И.Раззаков атындагы КМТУда “Кесип жана практика күнү” ийгиликтүү өттү

📅 27-февраль, 2025-жыл
📍 Кыргыз мамлекеттик техникалык университети, Бишкек шаары

2025-жылдын 27-февралында И.Раззаков атындагы Кыргыз мамлекеттик техникалык университетинде “Кесип жана практика күнү” аталышындагы маанилүү иш-чара болуп өттү. Иш-чаранын негизги максаты — жогорку окуу жайлары менен иш берүүчү ишканалардын ортосундагы кызматташууну чыңдоо, дуалдык билим берүү системасын жайылтуу жана бүтүрүүчүлөрдү жумушка орноштурууга көмөктөшүү болду.

Иш-чаранын ачылышын КМТУнун ректору Чыныбаев М.К. жасап, билим берүү менен өндүрүштү жакындатуунун зарылдыгын белгиледи.

Андан соң, бир катар ардактуу коноктор сөз сүйлөштү:

1. Жунушбаева Рахат Мырзабековна – «Sky Industrial Group» компаниясынын башкы директору,
2. Сагынбаева Айнура Омурбековна – башкы директор, негиздөөчү жана кадрлар боюнча директор,
3. Ладыгина Олеся Александровна – «Bravo» ассоциациясынын президенти,
4. Дуйшебаева Диляромкан Камиловна – Кыргыз тигүүчүлөр ассоциациясынын президенти.

Сүйлөгөндөр иш-чаранын актуалдуулугун жана жаш адистерге болгон чоң муктаждыкты баса белгилеп, заманбап өндүрүш тармагында кесипкөй кадрларга суроо-талап жогору экенин белгилешти.