Мазмунга өтүү 
📅 20-май, 2025-жыл
📍 Токмок шаарынын борбордук аянты
Бүгүн, 20-майда, Токмок шаарынын калкты ишке орноштуруу бөлүмү тарабынан «Мүмкүнчүлүктөр жарманкеси» уюштурулуп, шаар тургундары жана бүтүрүүчүлөр үчүн чоң мүмкүнчүлүктөрдү сунуштады.
Иш-чаранын негизги максаты — жумушсуз жарандарга жана мектепти жаңы аяктаган бүтүрүүчүлөргө жумушка орношуу мүмкүнчүлүгүн түзүү жана эмгек рыногунда талап кылынган кесиптер тууралуу кеңири маалымат берүү болду.
Жарманкеге Токмок индустриалдык-педагогикалык колледжинин студенттери да активдүү катышып, өздөрүнүн алган кесиптик билими жана тажрыйбалары жөнүндө маалымат беришти. Айрыкча «тигүүчүлүк» адистиги боюнча билим алып жаткан студенттер өздөрү даярдаган кийимдерин коомчулукка сунуштап, чоң кызыгууну жаратышты.
Иш-чарага мамлекеттик мекемелер, жеке ишканалар жана билим берүү уюмдары катышып, жарандарга кеңештерди берип, бош орундар тууралуу маалыматтарды беришти.
